Jao dat is mien dörpke Well

Melodie: An den reinsten Frühlingsmorgen. Tekst : Mia Ummenthum - Coppers. 

Tusse grèns en Maas verschaole

lit oons dörp ien 't Limburgs lând

stillekes, hieël zaacht te droeëme

tusse de hej en de waterkânt. 

 

Refrein: Jao, dat is mien dörpke Well

               't mojste ien hieël Limburg.

               Jao dat is mien dörpke Well

               't mojst van allemól

 

Sòmmers blaost de wiend dur 't kaore

Koewe graze dan loeëm ien de wej.

Altied huurde veugelkes fluite

Nevve de Maas, ien de bös en de hej.

 

 

Refrein: 

 

Groeëte scheep die ziede vare

Stoeër vurbì-j oons dörpke Well

Rânke buuëtjes speulevare

Òp 't reemp'lend golvespel.

 

Refrein:

 

Jao, zoeë lit mien Limburgs dörpke

Stil en blie ien Gods natuur.

Âltied zal ik án òw deenke

Iederen dag en ieder uur. 

 

Refrein: 2x