Ien et dörpke waor ik bin gebaore

Tekst en zang de Jo-Jo's : Karel Janssen - Sjaak Janssen en Hans Schambergen.

Melodie: 't Kapelke van Harry Bordon. 

Duk goi ik ien gedachte wėres dör oons dörpke roond,
wòr áchter beej de Maas die alde mòje kerk nog stoond.
De zusters ien et klòster werkten mit hieël veul plezier
en zônge daor ‘n liedje beej vör oonzen Lieven Hieër.
De poont die voer nòr Wanssum toe en kwaam òk wèr terug,
dat is now allemol vurbeej; weej hebbe nòw ‘n brug.

Refrein:
Ien et dörpke waor ik bin gebaore.
Waor ik alle mòje klène pedjes wis.
Wat is dan veul veránderd ien die jaore.
Toch is d’r veul wat ik daorvan nog weles mis.
 
De köster luujt um twellef uur de groeëte kerekklok, 
d’r moge tusse twelf en twieë gèn geite beej d’n bok.
D’n boer keek ‘s aoves nòr de lôcht en zei :”Et gift goei wèr
en hàdde nie die sômme af, dan kridde ‘n fleenk pak smèr.
Daor baove ôp dèn berg; d’n meule van Toeën Veenk,
ge wet dat ik mit weemoed daor nog hieël gèr àn deenk.

Refrein:
Ien et dörpke waor ik bin gebaore.
Waor ik alle mòje klène pedjes wis.
Wat is dan veul veránderd ien die jaore.
Toch is d’r veul wat ik daorvan nog weles mis.
 
As ik straks ‘n áld kelke bin en loeëp ôp enne stok
dan deenk ik weles beej meejzelf as ik dör Well ôp sjok
Ach meense lief wat vloog d’n tied, wat wèr ik toch al áld
toch blief ik áltied ien et dörp waor ik zeveul van háld.
Ôp de Maas daor drieft ‘n buuëtje, de zeile ien de wiend
dan is et net asof ik wèr te zinge loeëp as kiend.

Refrein:
Ien et dörpke waor ik bin gebaore.
Waor ik alle mòje klène pedjes wis.
Wat is dan veul veránderd ien die jaore.
Toch is d’r veul wat ik daorvan nog weles mis.