Zoek

Uitreiking Mosa Joertsicus 2018

20-11-2017

De Āld Prinse Còmpenì-j van CV de Maasjoerts 
verordenieërt en géft te verstaon dat de 
MOSA JOERTSICUS 
2018

òp de zitting van zaoterdag 18 november 2017 
is toegekend en uutgereikt án 

BÌ-J MEKAAR GERÁPT 
(zwerfvuul òpruumers Well)
Bertie Simons, Truus en Hub Frenken, Piet Roosen, Steven Barnes


Ovverwègende dat:

• al jaorelang loeëpe zì-j, en dat is ók nog gezoond,
dör gāns Well en rape en prikke alle rotzooj van de groond…..

• en deponere den troep mit veul passie en gemak
ien de dorvör bestemde gèle zak…..

• gì-j huurt ze noeëits zannike òf klage aover ’t waer,
mar gón gewoeën òp pad en duun dit hartstikke gaer….

• òntelbare ure hebbe zì-j ien al die jaore al gemákt,
en dat hét zeker nie allieën oons ien Well gerákt….

• vör die ienspanninge mugge zì-j zich geräöst òp de bōrst kloppe,
en wì-j haope dat zì-j d’r nog lang nie mit gón stoppe…..

• wì-j kunne dit geräöst zegge: zì-j stoppe pas
as d’r genne rotzooj mer lit nevve de straot òf ien ’t gras….

• daankzej dit prachtige stel, hālde wì-j ’n moi en schón dörpke Well …. 

Bovvestónde

Was vör de Āld Prinse Còmpenì-j van C.V. de Maasjoerts reeje um de 
Mosa Joertsicus ien 2018 án Bì-j Mekaar Gerápt toe te kenne.
De APC wil hiermit, ok names de gānse Wellse gemeenschap, 
eur groeëte wardieëring uutspraeke vör ’t wèrk dat zì-j duun.

Maasjoertse en Maasjoertsinnekes... Hoi !

 

Zie ook pagina Mosajoertsicus dragers