Jao, dat is mien dörpke Well

Melodie: An dem reinsten Frühlingsmorgen. Tekst : Mia Ummenthum-Coppers. 

Tusse grèns en Maas verschaole
lit oons dörp ien 't Limburgs lând
stillekes, hieël zaacht te droeëme
tusse de hej en de waterkânt. 

Refrein:
Jao, dat is mien dörpke Well
t moíste ien hieël Limburg.
Jao dat is mien dörpke Well
't moist van allemól

Sòmmers blaost de wiend dur 't kaore
Koewe graze dan loeëm ien de wei.
Altied huurde veugelkes fluite
Nevve de Maas, ien de bös en de hei.

Refrein:
Jao, dat is mien dörpke Well
t moíste ien hieël Limburg.
Jao dat is mien dörpke Well
't moist van allemól

Groeëte scheep die ziede vare
Stoeër vurbeej oons dörpke Well
Rânke buuëtjes speulevare
Òp 't reemp'lend golvespel.

Refrein:
Jao, dat is mien dörpke Well
t moíste ien hieël Limburg.
Jao dat is mien dörpke Well
't mojst van allemól

Jao, zoeë lit mien Limburgs dörpke
Stil en blie ien Gods natuur.
Âltied zal ik án òw deenke
Iederen dag en ieder uur.

Refrein:
Jao, dat is mien dörpke Well
t moíste ien hieël Limburg.
Jao dat is mien dörpke Well
't moist van allemól